Sync Хамтлагийн дуулсан Залуусын хот дуу

энэ линкээр орж татан аваад сонсоно уу
http://www.4shared.com/music/QLv_5m_-/Zaluusiin_hot.html

Тэнгэрийн уул

мф татах  http://www.4shared.com/audio/MR-SgYUx/Ganzorig_Tengeriin_uul.html?

Бурхан Буудай

Нарлаг Алтай нутгийнхаа
Найман зовхист бараатай
Найргийн мөр шиг ижлээрээ
Таван богдод уяатай
Дахилт: Бурхан буудай уул минь
Буяны мөнгөн тавилга
Дээдсийн үеэс хайрласан
Домгийн цэнхэр суварга
Өвөр бэл өөд нь авирахаар
Өргөөд авах нь өөриймсүү
Оройгоос нь харахаар
Отгонтэнгэр элэгмсүү
Дахилт:
Эмийн цэцгийн шүүдрээрээ
Сувдан хэлхээ наадуулсан
Эрдэнэ нуусан сүрээрээ
Хөнгөн бодол хулжаасан
Дахилт:
Дээжлэх онгон байгалиа
Дархалж шүтсэн диваажин
Дэлхийд хосгүй баялгаа
Дэвжээж бүчсэн хүрээлэн
Дахилт:
http://www.touristinfocenter.mn/cate3_more.aspx?ItemID=4
мф татах http://www.4shared.com/audio/KircZk0I/Ganzorig__Burhan_Buudai.html?

Хасагт хайрхан

Ая: Цэн.Эрдэнэбат
Үг: М.Батцэнгэл
дуучин: Ш.Лхагвасүрэн

Говь-Алтай аймгийн нутгийн баруун хэсэгт Завхан голын урд биеийг даган орших том нуруу. Уулын төв хэсгийн хавьд ой мод, өвс ургамал ихтэй, буга зэрэг ховор ан амьтантай, үзэсгэлэнтэй сайхан нутаг юм. Хасагтхайрхан нь эгц цавчим хажуутай, хурц шовх оргилтой хоёр зэрэгцээ нуруунаас бүрдэх бөгөөд хойд талыг нь Хасагтхайрханы нуруу, урд талын нурууг Гурван богдын нуруу гэнэ. Нийтдээ Хасагт Богд уул, түүний залгаа Дунд Хасагтхайрхан, Зүүн Хасагтхайрхан, Богд, Дунд Богд, Зүүн Богдын нурууд нь гүн хавцал, ам хөндийгөөр олонтоо зүсэгдсэн хадат шовх оргил, байц цохио, үхэр чулуут сайр, мөстлөгийн мөлгөр чулуун дайрга, нуранги асга бүхий Алтайн сүрлэг уулсын дүр төрхийг агуулсан байдаг. Хасагтхайрханд шохойн чулуу, гантиг чулуун том жижиг агуй хонгил цөөнгүй бий. Хасагтхайрхан нь усны сүлжээгээр баян нутаг. Оргилоос нь эх авсан гол горхи нь хавцал хөндийгөөр урсан бэлийн захад хүрч хурдас хөрсөнд шургадаг. Бэлээр нь элсэн говь орших боловч 2200-3000 метрийн өндөрт нь хээрийн бүс оршиж, түүнд 100 ам километр талбайтай ой мод байдаг. 3000 метрээс дээш өндөрт нь тагийн бүслүүр оршино. Ингэж нэг ууланд говийн бүсээс эхлээд хээр, ой тайгын бүс тохиолдох нь ховор юм.
Мүгэз, авнис, шимэрс, ортууз, хувиланги, алтан гагнуур, Алтайн жамъяанмядаг, шар болон хөх яргуй, хонхон цэцэг, холтсон цэцэг, бамбай, сөд, дэгд зэрэг цэцэгт болон өвслөг ургамал элбэг ургадаг. Шинэсэн ой, хус, улиасан төгөлтэй. Хасагт хайрхан ууланд буга, аргаль, янгир, ирвэс, суусар, хойлог, ёл, тас гэх мэт дархан цаазат ховор амьтад бий.Хасагтхайрхан уул нь далайн төвшнөөс дээш 3578 метр өндөр. Говь-Алтай аймгийн төв Алтай хотоос 80 километрт орших Жаргалан сум нь үзэсгэлэнт уул нурууд дунд оршдог. Хойд талаар нь Хасагтхайрхан уул дүнхийнэ. Энэ уулын орчинд олон төрлийн анагаах увьдастай рашаан хангай говийн хосолмол хөрсөн дээр халуун уур татуулан урсах нь нэн сонирхолтой харагддаг. Монголын их элсний нэгээхэн хэсэг нь энэ суманд байдаг.

Шаргын говь

http://www.touristinfocenter.mn/cate3_more.aspx?ItemID=17

мф татах http://www.4shared.com/audio/2QVL99Cv/Bolormaa__Shargiin_gobi.html?

Цэргийн бодол

Үг: Ш. Шажинбат 
Ая: Х. Баатар
Алтан наран хэвийх зүгт
Алтай сайхан нутаг минь бий
Алтай сайхан нутагт минь
Азай буурал ээж минь бий
Азай буурал ээжийд минь
Амгалан энхийн ерөөл бий
Амгалан энхийн ерөөлд нь
Амар уулзахын тавилан бий

Салхины исгэрэх тэрхэн зүгт
Сарьдаг өндөр алтай минь бий
Сарьдаг өндөр алтайд минь
Саальчин хонгор бүсгүй минь бий
Саальчин хонгор бүсгүйд минь
Сэтгэлийн арвин хайр бий
Сэтгэлийн арвин хайранд нь
Саатан хүлээх итгэл бий

Шөнийн саран шингэх зүгт
Сэрүүн сайхан алтай минь бий
Сэрүүн сайхан алтайд минь
Сүрэг олон адуу минь бий
Сүрэг олон адуунд минь 
Суман хүрэн морь минь бий
Суман хүрэн мориндоо 
Суудал засахын тавилан бий
Сүрэг олон адуунд минь 
Суман хүрэн мориндоо 
Суудал засахын тавилан бий 

Засагт ханы хөх харчууд

Үг: Ү.Хүрэлбаатар

Хөгжим: Г.Жаргалсайхан

Дуучин: Ц.Оюунцэцэг

Үүлэнд умбан ханхайх өндөр хөх уулс шиг

Засагт ханы хөх харчууд алсын бараатай

Үг нь ивлэж нутгаа дуулах омголон найрагч шиг

Засагт ханы хөх харчууд оюун билэгтэй

Тэнгэрийн өнгө солонгорон гялалзаж чулуунд нь шингэсэн

Тэг зүгийн нутаг-уулсын эх орон

Тэргэл саран гүн шөнийг гэрэлтүүлэх шиг

Тэг зүгийн нутаг – ухаантны эх орон

Засагт ханы хөх харчууд

Зартай нутгийн сайн эрчүүд

Дэлтэй чоно шиг эрмэг харчууд

Дэлхийд цуутай монгол эрчүүд

Эрдэнэ засгийн унага янцгаан эргэцэх шиг

Засагт ханы хөх харчууд уяхан сэтгэлтэй

Энэхэн цагийн түүчээ тогоруу дүүлэн нисэх шиг

Засагт ханы хөх харчууд төрийн суудалтай

Эрдэнийн чулуу шигтгээ мэт газрыг нь хээлсэн

Энэ зүгийн нутаг- алдартны эх орон

Элбэг хөх салхи сэтгэлийн чавхдас хөглөсөн

Энэ зүгийн нутаг- авъяастны эх орон

Засагт ханы хөх харчууд

Зартай нутгийн сайн эрчүүд

Дэлтэй чоно шиг эрмэг харчууд

Дэлхийд цуутай монгол эрчүүд

Наран цуцаж өнжих өргөн их тал шиг

Засагт ханы хөх харчууд шулуухан зантай

Начин шонхор тэртээ алсад тэмүүлэн шумбах шиг

Засагт ханы хөх харчууд шударга удамтай

Тэнүүн талын цэцэгсийн үнэр салхинд нь шингэсэн

Тэр зүгийн нутаг –Алтайн хөх салхи

Тэмцлийн дуулал зүрхэнд эгшиглэх аялгуу шиг

Тэр зүгийн нутаг зоригтны эх орон

Засагт ханы хөх харчууд

Зартай нутгийн сайн эрчүүд

Дэлтэй чоно шиг эрмэг харчууд

Дэлхийд цуутай монгол эрчүүд

мф татах http://www.4shared.com/audio/Q79ObMDw/Oyuntsetseg_Zasagthanii_huh_ha.html?

Эрээн нуур

 Үг: Г.Тэрбиш
Ая: Д.Лхагвасүрэн                                              
Цэлмэг тэнгэр өнгөөрөө сүлээд
Цээлийн загас өртөөлөн наадсан
Цэлэлзэх мандал нь мөнгөрөн бидэртээд
Цэнгийн нүүдэл хоргодон чуулсан
Алтран шаргалтах элсэн зүмбэртээд
Ариухан дөлгөөн Эрээн нуур аа
Алтан говийн буяныг бялхаасан
Амсар дүүрэн завьяа юу даа
Сэвшээ салхи нь элсээ хөлөглөөд
Сэрвээт манхнаа урлан өндөрлөсөн
Сулхирын сугсраа шугуйран ганхаад
Сэтгэлд чамин үзэмжээ гайхуулсан
Алтран шаргалтах элсэн зүмбэртээд
Ариухан дөлгөөн Эрээн нуур
Тунамал тэнгэрийг ширтэн талимаарсан
Тунгалаг хархан мэлмий юу даа
Эртэч адуучин уургаараа даялаад
Эрдэнэт сүргүүд ундаалан налайсан
Идэр залуус учран жаргаад
Инээд баясалд умбан хөгжилдсөн
Алтран шаргалтах элсэн зүмбэртээд
Ариухан дөлгөөн Эрээн нуур
Миний нутгийн сүлдэнд өргөсөн
Мэндийн цэнхэр хадаг уу даа
мф татах http://www.4shared.com/audio/Qcq6mkcz/Javhlan_Ereen_nuur.html?

Манай сургууль

Монгол Улсын гавъяат багш Б.Гомбын нэрэмжит Улсын тэргүүний 12 жилийн 1 сургуулийн сүлд дуу
Үг: АБТА,ахмад багш П.Балъяанжав
Ая: МУГЖ Г.Жаргалсайхан
дуучин МУГЖ Ч.Бат-Эрдэнэ

Хантайширын хормойд хотолсон
Ханагар нутгийнхаа цээжинд тэврүүлсэн
Хүүхэд насны мөрөөдлийн өргөөнд
Хүслийн жигүүр өдлөн ургадаг
Эрин цагийн ирээдүйг гэрэлтүүлж
Эрдэм ухаанаар биднийг гийгүүлсэн
Саруул танхимд цайлган инээд дүүрэн
Сайхан бүхэн урган дэлгэрдэг
Эхийн хайраар биднийг ивээдэг
Элгэн нутгаа санан дурсмаар
Эрдмийн мөрөөр хөтөлж дэвжээсэн
Элбэрэлт сургуулиа магтан дуулмаараа
Алсаас харахад сургууль минь тодорч
Алхаад очиход багш нар минь угтаж
Ангиараа ороход андууд минь санагдаад
Анхны заалгасан үсэг минь тодхоон
Түүх түүх нь шаштирт хөвөрсөн
Түмний хүүхдийг эрдэмд хөтөлсөн
Унаган нутгийн минь төрөлх сургууль
Уул шиг түшигээрээ биднийг ивээдэг
Эхийн хайраар биднийг ивээдэг
Элгэн нутгаа санан дурсмаараа
Эрдмийн мөрөөр хөтөлж дэвжээсэн
Элбэрэлт сургуулиа магтан дуулмаараа
Аав ээжийнхээ гараас хөтлөөд
Анх алхсан өдөр минь тодхоон
Зуун зуунаар эрдмээ цацруулсан
Зулай цагаан Алтайн сургууль аа
Эхийн хайраар биднийг ивээдэг
Элгэн нутгаа санан дурсмаар
Эрдмийн мөрөөр хөтөлж дэвжээсэн
Элбэрэлт сургуулиа магтан дуулмаараа
Эхийн хайраар биднийг ивээдэг
Элгэн нутгаа санан дурсмаар
Эрдмийн мөрөөр хөтөлж дэвжээсэн
Элбэрэлт сургуулиа магтан дуулмаараа

Хөглөгөр их Алтай

Яруу найрагч Ү.Хүрэлбаатар Монгол Улсын Ерөнхий сайд асан Пунцагийн Жасрайн дурсгалд зориулан "Хөглөгөр их Алтай" дууны шүлгийг зохиосон бөгөөд Говь-Алтай аймаг үүсгэн байгуулагдсаны 70 жилийн ойд зориулан "Алтайн эрин" сан клип хийсэн байна.
Шүлгийг: Үржингийн ХҮРЭЛБААТАР
Хөгжмийг: Гончигийн ЖАРГАЛСАЙХАН
Дуучин: Хүрлээгийн БОЛОРМАА, Хумбагарын БАТМЭНД, Насанцогтын ЭНХБАТ, Наранхүүгийн ТУЯА, Гончингийн ЖАРГАЛСАЙХАН, Самъяагийн ГАНЗОРИГ, Жарантайн АЛТАНЦЭЦЭГ, Рагчаагийн ЖАРГАЛСАЙХАН, Чинбатын БАТ-ЭРДЭНЭ

Зүүдний мөнгөн миний Алтай

Зүүдний мөнгөн миний Алтай

Ая. Г.Жаргалсайхан
Үг. Ү.Хүрэлбаатар

Алдуурсан унага шиг алсыг зориход
Алчуур шиг даллан үлддэг
Эрдэм сураад эргээд ирэхэд
Ээжийн хайраар угтан тосдог
Ерөөлөөр учирсан нутгаа түшихэд
Есөн булгийн рашаан баясдаг
Анхны хайраа чамдаа илчилхэд
Аараг толгод нь уяран өндөлздөг
Хан тайшрын домогт нуруу
Халтар манан уулсын орон
Хаан суудалтай Алтай хот
Хайрын аргамж миний нутгаа
Насаараа уяатай нутгаа шүтэхэд
Наран саатаж үдлэн өнждөг
Үлгэр домгийн туульс хайлахад
Үлэмжийн жаргал намайг ивээдэг
Хан тайшрын домогт нуруу
Халтар манан уулсын орон
Алсын бараатай Алтай хот
Алтан аргамж миний нутгаа
Хүйс хүйсхэн салхи нь сэвшихэд
Хүйсийн говь нь зэрэглээтэн байдаг
Хүрэн толгойн сүүдэр хүүшлэхэд
Хөглөгөр уулсын хөөмий эгшиглэдэг
Гоёо мангир нь зэрэгцэн ургадаг
Говь, Алтай нь хослонхон байдаг
Цэлгэр тал нь уужран алсардаг
Цэнхэр тэнгэр, нарны хотоо
Хан тайшрын домогт нуруу
Халтар манан уулсын орон
Зүүдний мөнгөн Алтай хот
Зүрхний аргамж миний нутгаа
мф татах http://www.4shared.com/audio/FxYkktMO/Bolormaa_-__Zuudnii_mongon_Alt.html?

Зулай цагаан Алтай

Зулай цагаан Алтай

Үг. З.Гүнсэн
Ая. Чойгивийн Сангидорж

Үүрийн таван жингээр
Сараа саатуулж мөнхөрсөн
Үдшийн бүрий тасартал
Нараа наадуулж алтарсан
Зулай цагаан Алтайгаа би
Зүүдэлж сэрдэг нь юуных вэ

Аяа Алтай минь Алтай минь
Азаар заяасан нутаг аа
Тэвэрч таныгаа даахгүй ч гэлээ
Тээж явдаг шүү сэтгэлдээ

Дэлгэр зуны сардаа
Цэцгээ дэвсэж харуулдсан
Дэнжийн цагаан гэртээ
Ээж минь хүүгээ хүлээсэн
Зулай цагаан Алтайгаа би
Зүүдэлж сэрдэг нь юуных вэ

Аяа Алтай минь Алтай минь
Азаар заяасан нутаг аа
Тэвэрч таныгаа даахгүй ч гэлээ
Тээж явдаг шүү сэтгэлдээ

Заяа түшсэн түмнийхээ
Итгэл болж сүндэрлэсэн
Санаа цагаан ардынхаа
Сэтгэл болж мөнхөрсөн
Зулай цагаан Алтайгаа би
Зүүдэлж сэрдэг нь юуных вэ

Аяа Алтай минь Алтай минь
Азаар заяасан нутаг аа
Тэвэрч таныгаа даахгүй ч гэлээ
Тээж явдаг шүү сэтгэлдээ